به گزارش خبرنگار خبرگزاری فارس در دوشنبه، با کمک اتحادیه اروپا در یکی از مناطق هم مرز استان ختلان تاجیکستان با افغانستان اردوگاهی برای پناهندگان افغان احداث می شود.
بر اساس این گزارش، قرار است سفیر اتحادیه اروپا از محل های احتمالی برای ساخت این اردوگاه بازدید و سپس محل دقیق آن مشخص خواهد شد.
فرماندار استان ختلان تاجیکستان در نشست مطبوعاتی تابستانه خود اعلام کرده بود که با کمک سازمان های بین المللی در منطقه «جیهون» این استان اردوگاهی برای پناهندگان افغان احداث می شود.
قبل از این اتحادیه اروپا اعلام کرده بود که 160 هزار یورو کمک بشردوستانه به پناهندگان افغان مستقر در تاجیکستان تخصیص میدهد.
در بیانیه اتحادیه اروپا از 14 سپتامبر سال جاری گفته شده که در استان های ختلان و بدخشان تاجیکستان هم مرز با افغانستان تا 5 هزار پناهنده افغان اسکان می شوند.
اعلام اتحادیه اروپا در مورد کمک بشردوستانه به پناهندگان افغان در تاجیکستان در پس زمینه اظهارات وزیر کشور تاجیکستان که در دیدار با کمیساریای عالی سازمان ملل در امور پناهندگان ابراز داشته بود بیان شد.
وزیر کشور تاجیکستان در آن دیدار اظهار داشت که طی 20 سال گذشته، «دوشنبه» هیچ کمک بین المللی قابل توجهی برای کمک به پناهندگان افغان دریافت نکرده است.
پس از حمله طالبان به شمال افغانستان صدها و هزاران مهاجر افغان به کشورهای همسایه، از جمله تاجیکستان فرار کردند. برخی از آنها، به ویژه نظامیان به افغانستان بازگردانده شدند و بعضی دیگر در استان بدخشان و سایر مناطق تاجیکستان نگهداری می شوند.
اتحادیه اروپا با استناد به کمیساریای عالی سازمان ملل در امور پناهندگان اعلام کرده که تا پایان سال 2021 ممکن است حداثکر 50 هزار پناهنده در تاجیکستان ثبت شوند.
طول مرز بین تاجیکستان و افغانستان حدود 1400 کیلومتر است.
انتهای پیام/ح