شهید رهبریمیز ایله وداع
شانلی رهبر، مهربان کیشی، آذربایجانین اومودو، سنی ایتیرمک بیزیم اوچون یئر اوزونون داغیلماسی کیمیدیر.سن گون ایدین، آی ایدین، اولدوز ایدین. یولوموزا ایشیق ساچدین، گؤنلریمیزه اومود دولدوردون.قارانلیق گئجهلرده سن بیر چراغ کیمی یاندین، فیرتینالی گونلرده سن بیر دایاق اولدون.
حیاتین بوْیونجا خلقین دردینه یولداش اولدون، مظلومون یانیندا دوردون، حقیقتین سسی اوْلدون.ایندی سن یوخسان، آمّا سسین گؤیلرده، آوازین گؤنوللرده قالیب.سن بو وطنه جان وئردین، بو توپراق سنین قانینلا سولاندی، بو گؤی سنین نَفَسینله دولدو.بیز سنین یولوندان دؤنمهییجِییک. گؤستردیگین یولدان گئدهجِییک
سن بو اومّته قورتولوش یولو گؤستردین، استقلال نغمهسینی اؤیرتدین، شرف و دَرْسینی وئردین. گئدیشین بو خالقا آغیر گلدی، گؤزلر یاشلا دولدو، اۆرکلر پارچالاندی.سن بو میلّته اینانج وئردین، ایمان و جسارت باغیشلادین.ایندی سن آرام یئرینده یات، بیز سنون یولوندا دؤیوشمکدن یورولماریق.
الوداع ای قهرمانیمیز ! الوداع ای شهید رهبریمیز !سنون یادین همیشه گونوللرده قالاجاق، سنون یولون همیشه آیدین اولاجاق.وعدیمیز بودور کی، سنون کیمی عشقله، سنون کیمی جسارتله بو یولو داوام ائتدیره جَییک.یئرین جنت اولسون، ای آذربایجانین قهرمان اوغلو، ای بو توپراقین قهرمان رهبری، ای ایرانین عزتی!
09:35 - 13 تیر 1405
